اليكم قصيده بعنوان جيت اعتذر

بسم الله الرحمن الرحيم

اليكم قصيده تعبر عن فرق الحبايب والرجوع اليهم

او الفراق لهم والاعتذار لكي يرجع الحب كماا كان

لا اطيل عليكم اليكم نصها




سلام تسليم من قلبي ومن ودي
مخلوط بالعطر والريحان والعوده
مغمور بالفل والازهار والوردي
مليار باقه شذاها ينفح وروده
سلام مخصوص لك ياباهي الخدي
ياللي غلاتك بقلبي فاقت الجوده
حبك بقلبي يفوق الوصف والحدي
سلطان حبك بقلبي فارض وجوده
داخل شرايين قلبي جيش ممتدي
وعروق قلبي تضخ الدم لجنوده
وأقول ياليتني في خدمتك جندي
ياللي جنودك بقلبي تحرس حدوده
من رمش عينك رماني سهم متعدي
حبك بداخل فؤادي فارض قيوده
والحال في غيبتك يازين متردي
والنفس طاقاتها بالصبر محدوده
صبرت لأجل الوفاء ياخل بالوعدي
وآمال كل الجوارح فيك معقوده
يازين تكفى فراقك باحثٍ سدي
أرجوك يامهجتي في سرعة العوده
ياروح روحي فديتك يابعد كبدي
لاتجرح القلب حقق فيك منشوده
إن كنت زعلان مني يالغلا هدي
أبشر براضي ضميرك حرر إبنوده
جيت أعتذر يالغلا ماجيت متحدي
يدي لكم بالعذر والصفح ممدوده
يفداك عمري وروحي وأنتظر ردي
ترى الجوابات منك شبه مفقوده
ليه الجفاء والقسى والهجر والصدي
والجرح ياخل ماعقباه محموده
من زود شوقي وحبي جيت متفدي
عساك ياخل ترحم نفس مهدوده