قصيده رائعه اتمنى ان تنال اعجابكم بعنوان ((سوق الاندلس))

السلام عليكم ورحمة الله وبركاته

قصيده رائعه لشاعر متمكن وهو الشاعر سعود الشامي





يالله انك لاتعود الاندلس واللي يمره
ماهقيت اني بشوف الموت الاحمر يحتريني
شفت فيه اللى خذا قلبي من ظلوعي يجره
واعترض لي واستدار وحط عينه وسط عيني
فيه انواع الجمال وجعل ربي مايضره
يوم شفته قلت له ماترحم القلب الحزيني
قال خير؟ وقلت مؤمن بالقدر خيره وشره
لكن الاقدار جابتني ومعجب صدقيني
ودي اعبر ومير الوقت ضيق وانتي دره
واحفظي رقمي والا منك وصلتي كلميني
سجلي ثلاث خمسات وثلاثه وانتي حره
واربعه وانا اتلفت عن شمال وعن يميني
ثم ثلاثه مع ثلاثه ياحبيبي سهل مره
بعدهن *** دقي لامن بغيتي تعذبيني
يوم راح الليل نصه مابقى للصبر ذره
بين ايه وبين لا وبين خافه مايبيني
في النهايه اتصل بي جعل ايامه مسره
قال انا دقيت بعذبك لين تموت فيني
قلت له ان فيه حرمه ادخلتها النار هره
كيف وانا انسان مثلك وانتي ودك تظلميني
قال انا امزح ياحبيبي لاتضيق ولاتشره
بس عبر عن شعورك وش سبب معجبك فيني
قلت له حبك ملكني وصار في القلب مقره
مانقصني ياحبيبي كود اكمل نصف ديني