في كل لحظة

في كل لحظة بيتولد
حلم في خيال إنسان
وفي نفس اللحظة بينتهي
حلم وبيموت إنسان

الوقت .. زمان
والمعني .. كيان
وفي كل لحظة برىء
يتولد .. إنسان

يفرح .. ويتكلم
يحزن .. ويتألم
يقول ياحلمى إتحقق
يموت قدامه .. ويسلم

في كل لحظة بنصحى
نسمع دقات قلوبنا
تصرخ في ضلوعنا .. تعلى
ويسكن الحب دروبنا

وفي لحظة تانيه ننام
دبلانه فروعنا
ننده علي الاحلام
مكسورة .. قلوعنا

بنعيش .. كل لحظة
ونموت .. كل لحظة
بتجينا الدنيا لحظة
وساعات بتروح فى لحظة
ومهما طال العمر
برضه هو .. لحظة