راح أبكى معاكى

إخرجى من صمتك
من صورتك
شاورى لى
خُدى إيدى
وعلى جرحك ميلى

لمى دموعك
بصى لى
إيه إلـ .. راح ؟
لو تقولى لى

لو بيت
سكنك في ضلوعى
لو جوع
راح تاكلى من جوعى

لو خوف
أمنك في ركوعى
ودموعك
تمسحها دموعى

لو أهل هكون إبن
هكون أم
هكون أب
هكون عم

هكون قريب
قرابه الدم
هكون إيد
تشيل .. الهم

وهيسكن حزنك
كونى
وتعيشى كيان
في جنونى

وأكون إنسان
وتكونى
وتبعت لك دمعة
عيونى
من ديوان ( أنا كلمة ) للشاعر مدحت عطية