عبر الوئام أرسل سلام وتحيات
وارسل تقارير وعلومٍ أكيده
للعالمي كل القوافي مطيعات
وكل البحور تثور يمه تريده
هذي السنه ثوره ولا فيه شكات
العيد بيّن ياعسى الله يعيده
قمت اتذكر وقتها كل مافات
فعول وافراح وسنينٍ مجيده
لكل شئٍ قبل يبدأ علامات
ولكل فارس شاردات وطريده
كل النتائج مبهرات وجزيلات
وكل العزوم تقول وين الشريده
مكانكم يالنصر فوق المنصات
وجمهوركم شامخ وشمسه وقيده
أقولها بالصدق ماهي اشاعات
واللي يزاعق قدام راسه حديده
يصك فيها الراس مره ومرات
يمكن حدا الصكات منها تفيده
وأنا الذي قلبه يشجع بنبضات
شريانه أزرق دام الاصفر وريده
الشمس تشرق في جميع المساحات
والفن حصري والمهارة فريده
هجوم ناري والوسط بس لمسات
وخط الدفاع اللي حصونه عنيده
وحراسة المرمى دروع ومصدات
الها التميز والليالي شهيده
وطقم أحترافي مايبيله شهادات
صيته وصلنا من ديارٍ بعيده
باقي على المدرب رسم المسارات
وأبشر بكاس صقورنا اللي تصيده
فرصه أوضح بس بعض الحكايات
واسحب دسيس الحقد بـ اذنه وبـ إيده
إمّا حقائق واضحاتٍ بالإثبات
وإلاّ الدوادي ماهي منكم جديده
أنصحك يازغبي تعيد الحسابات
وتسلك طريق الحق كانك تريده
مدري حسبت الشعب وإلاّ البطولات
وإلاّ رصيدك شح تبغى تزيده
منت بـ قضيه يـ ازرق العين هيهات
وياكثرهم مثلك وهمه رصيده
كلٍ لهمه صار ينجز مهمات
وساعِ البريد أكيد همه بريده
والله لـ تبطي سنين وسنين مـ تبات
ويادوب ربع الشعب دوبك تجيده
تستنفر الطاقات وسط المطارات
وقت الملاقى بس منهو يكيده
الشعب نصراوي وللشعب بصمات
يوم اعتزال الداهيه وش يبيده
يالعالمي مهما تكون المسافات
إلك البطوله ؛ والذهب أنت سيده
عهدٍ عليّ إلاّ تجيب الصعيبات
واسمك يزيّن واجهات الجريده
هذي بدايه بس باق النهايات
خل النهايه فالنهائي نشيده
الإثنين مايو 15, 2023 7:04 am
موضوع: قصيدة فى العالمي 
الخميس يناير 21, 2010 1:48 am
