حمله لنرتقي بجيلنا***

حملة لنرتقي بجيلنا .. ( أخلاقنا .. قيمنا .. مبادئنا .. إسلامية )




الموضوع الأول ( التعارف )



في يوم من الأيام وانت قاعد/ة ع النت على سكايب ، أكيد تيجيك إضافات أنواع وأشكال ..
وكل واحد بيحط رسالة للتعريف بنفسه .. (( أنا إنسان جاد وأريد الزواج )) ، (( وسيم ويقدر الحياة الزوجية )) ، (( حابب أتعرف على بنت حلوة )) ، (( طوووووووووط <<< مشفر )) إلى آخره من الكلام الفاضي ..
ولمن تيجي وتسألي الأول طيب طالما إنت إنسان جاد وتبغى تتزوج روح وقول لأمك يا ماما زوجيني !!
على طول حيجاوبك وحدة من دي الإجابات :
1- ايش يدريني البنت اللي حتخطبها أمي ما تكون بنت حرام <<<< أووووف يعني أمك لدي الدرجة ما تعرف تخطب ناس عدلة !!! <<< طيب بنفس الطريقة ايش يدريك إنو البنت اللي إنت اتعرفت عليها وخطبتها ما تكون بنت حرام وضاحكة عليك !!!
2- لا أنا لازم أتعرف عليها بنفسي !! <<< طيب ليش ما تتعرف عليها بنفسك يوم الخطوبة .. أو تسأل عنها !!!
يقولك : لا أنا ما أحب أجرح يعني أخطبها وبعدين أبطل لأنها ما عجبتني !! <<< وما حتجرحها مثلاً إذا انت اتعرفت عليها بقصد الزواج وبعدين بطلت وسبتها !!
يقولك : لا أصلاً البنت تكون في دي الحالة عارفة إنو الموضوع ممكن يتكمل وممكن ما يتكمل <<< ويعني البنت يوم الخطوبة ما بتكون عارفة إنو الموضوع ممكن يتكمل وممكن لأ !!!؟؟
3- طيب ايش فيها إني أتعرف عليها قبل الزواج ... الرسول عليه الصلاة والسلام اتعرف على خديجة قبل الزواج <<<< لا لا لا هنا استغفر الله مرة !!!! شكلك ما تقرى التاريخ إلا بالمقلوب .. أظن إنو الرسول عليه الصلاة والسلام كان يعمل عند خديجة رضي الله عنها !!! ... وتاني شي ولو كان اتعرفوا ولا ما اتعرفوا أصلا كان زواجهم قبل بعثة الرسول عليه الصلاة والسلام !!!!!! ... وأنصحك ترجع وتقرا التاريخ مرة تانية بس دي المرة لا تقراه والكتاب مقلوب !!!
4- طيب ايش المانع اني أخطبها من هنا <<< أظن الإسلام قلنا نخطب البنت من أبوها أو ولي أمرها مو من كمبيوترها !!!!!!
5- أي جواب يبين لك إنو ما عندوا سالفة ويبغى ذريعة فقط !!!
والغريب في الموضوع كله إنو يقول ( يبغى يكمل نصف دينه ) طيب يا حبيبي ليش ما تكمل نص دينك بالحلال و بطريقة سليمة !!!! ... ومعروف أي شي كانت بدايته زفت كانت نهايته طين مو أكتر من كده ..
ولا تعال للي يبغوا يتعرفوا بس ( صداقة لا غير ) :
1- ما فيها مشكلة إننا نتعرف والإسلام دين يحب إنو أهله يكونوا اجتماعيين <<< يا عيني وما لقيت إلا البنات تكون معاهم اجتماعي !!!! <<< وطيب وفي نفس الوقت الإسلام قالنا في سورة المائدة (5 )(.... وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُواْ الْكِتَابَ مِنقَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَمُسَافِحِينَ وَلاَ مُتَّخِذِي أَخْدَانٍ... ) وفي سورة النساء (25 ) ( فَانكِحُوهُنَّ بِإِذْنِأَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَمُسَافِحَات ٍوَلاَ مُتَّخِذَاتِ أَخْدَانٍ) ولا إنت إنسان تاخد من الدين اللي يعجبك وتسيب اللي مو عاجبك !!!!
2- بلاش تعقيد ! خلاص الناس وصلوا القمر وإنت لسة بدي العقلية !!! <<< هدا الموضوع مافيه شي اسمه تعقيد أو مو تعقيد دا شرع .. وتاني شي الناس طلعوا الفضاء ووصلوا القمر وإنت فاضي وماعندك شغلة تتسلى ع البنات !!!
3- إنت أصلاً ليش داخلة سكايب !!! إذا مو عاجبك التعارف لا تدخلي <<< ليش دايماً نستخدم أي شي بالطريقة الغلط على طول !!! .. ومين قالك إنو اللي عمل السكايب عامله لأمثالك !!! .. لازم يعني أدخل عشان أتمصخر وأفسق !!! .. ما ينفع إني أتواصل مع أهلي وصحباتي ..
4- أو أي جواب تعرف منه إنو انسان فاضي ..
أما عاد (( طوووووووووط <<< مشفر )) ما يحتاج نقول ردوده ..
إلى دا الحد نوقف في الردود ..
طيب إنتَ وإنتِ اللي بتتعرفوا بأي طريقة من الطرق .. انتو شايفين اللي بتسووه صح ؟!!
ولا عارفين إنوا غلط بس بتسووه مع سبق الإصرار ؟!!
ولا عارفين ونفسكم تبطلوا بس ما عندكم همة ؟!!!
ولا عارفين وبتحاولوا ؟!!!
طيب حابين نقولكم كم شي ..
دحين رأي دينك أكيد عارفه ولازم تكون عارفه .. إنو حرام .. وللي مو عارف :
ففي الصحيحين من حديث أسامة بن زيد رضي الله عنه أن النبي صلى الله عليه وسلم قال: "ما تركت بعدي فتنة أضر على الرجال من النساء".
وفي صحيح مسلم من حديث أبي سعيدالخدري أن النبي صلى الله عليه وسلم قال: "إن الدنيا حلوة خضرة، وإن الله مستخلفكم فيها، فينظر كيف تعملون، فاتقوا الدنيا، واتقوا النساء، فإن أول فتنة بني إسرائيل كانت في النساء".
سورة المائدة (5 ) ( الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْالْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ وَالْمُحْصَنَاتُ مِنَ الْمُؤْمِنَاتِ وَالْمُحْصَنَاتُ مِنَ الَّذِينَ أُوتُواْ الْكِتَابَ مِنقَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَمُسَافِحِين َوَلاَ مُتَّخِذِي أَخْدَانٍ وَمَنيَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَالْخَاسِرِين) وفي سورة النساء (25 ) ( فَانكِحُوهُنَّ بِإِذْنِأَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَمُسَافِحَاتٍ وَلاَ مُتَّخِذَاتِ أَخْدَانٍ) أي مصاحبين خليلات أو أخلاء .
حتى لو جا أحد وقال بس ترى منجد إحنا صداقتنا بريئة ... معليش صداقتك بريئة ولا مو بريئة غلط لأنها من خطوات الشيطان إنتي ما تئمني قلبك ... ولا تقولي لا مستحيل ما في شي مستحيل ... إبراهيم عليه السلام وهو نبي الله وخليله كان يقول (( واجنبني وبني أن نعبد الأصنام )) كان يخاف من أن يشرك ويدعي ربه ... فتيجي إنتي تقولي مستحيل تسير أشياء إنت ما تتوقعي نفسك تسويها !!!
أكيد الشيطان ما حيقولك سوي كده واعملي كده هوا أجبن من إنه يقولك كده ... بس يدرجك في الشي اللي يبغاك توصليله خطوة بخطوة ..
اليوم يقولك صداقة بريئة وبكرة يقولك صداقة بريئة بس مافي مشكلة نتعدى فيها خط أحمر واحد وبعدين خط وخطين وتلاتة إلا ما تتتعدي كل الخطوط الحمرا وتلاقي نفسك ملغوصة بالطين !!!!!
والإسلام شي عام للناس بكل أنواعهم وبكل عصورهم .. لا تقولي لا صديقني الولد محترم .. طيب لو افترضنا انو محترم غيروا قلبوا مريض الإسلام حيجي ويحط حكم عشان فلان محترم وحيسيب علان اللي قلبوا مريض لأ مستحيل ... الإسلام يسد كل الأبواب اللي تودي للفساد بشتى أنواع الطرق !!!
طيب هدا رأي دينك ...
خلينا نشوف رأي مجتمعك ..
أبوك أمك أخوانك عيلتك ... يعني ايش ذنبه أبوك اللي يكد ويشتغل ويعمل عشان إنتي ولا إنت تمرغ سمعته بالطين .. ولا ايش ذنبها أمك اللي تعبت وحملتك وولدتك وربتك عشان في النهاية توريها نتاج تربيتها بدي الطريقة ؟؟؟ .. إيش ذنبهم أهلك وأخوانك إنهم يمشوا منزلين راسهم بسببك .. ( ولا يمكن أنا بس اللي أحبهم وأهتم بايش حيصير فيهم .. بس ولو مهما سووا وعملوا يبقوا أمك وأبوك وأهلك وأخوانك )
حضارة الأندلس اللي كانت من أعظم الحضارات الإسلامية سقطت ليش ؟!! حقولكم ليش ...
( نفس القصة القديمة تتكرر كما هي.. ففي أوج مجد الأندلس لم يكن أحد يتوقع أن تغرب شمسالإسلام عنها ، وأن الضعف الذي حل بالأمة الإسلامية وقتئذ قد وصل إلى هناك.



ظل العدو لسنوات طوال يتربص بالمدينة، و يرسل جاسوسه للأندلس ليعرف هل آنأوان الهجوم .. كان هذا الجاسوس يسير في الطرقات فيجد شباباً يتنافسون على التباهيبمعلوماتهم الفقهية والدينية في مجالس العلم وجلسات الفقه، فيعود في كل مرة ليخبرملكه أن الآوان لم يحن بعد .. وتمر السنين الطويلة ويعود الجاسوس إلى المدينة ليجدجلسات الفقه وقد اختفت، ويجد أحد الشباب يجلس باكياً فسأله عما به فقال له أن بهمصيبة..



يعشق فتاة لا تحبه بل تحب غيره.. فذهب الجاسوس إلى ملكه وقال لهأنه أخيراً قد حان الوقت؛ لقد أصابهم داء العشق.....



وكان سقوط الأندلس )
ولو رجعت للتاريخ حتلاقي أسباب سقوط الدول الإسلامية متشابة .
1) البعد عن الدين .
2) الفرقة وتعدد الدويلات .
3) الإنغماس في الملذات والشهوات .
طيب ليش ما نطالع لحالنا دحين .. بالله عاجبكم الحال اللي عاجبه يرفع يده ..
يتقتلوا المسلمين في كل مكان ويضطهدوا ليش ؟؟؟ لأنهم قالوا ( لا إله إلا الله محمد رسول الله ) فقط لا غير ..
ليش زمان كانوا أعداء الإسلام يحسبولنا ألف حساب قبل ما يسووا أي شي ؟؟
خلاص كفاية مزاحمة للضب في جحره ... خلينا نمسك أيادي بعض وخطوة بخطوة نرتقي .. وما حنرتقي إلا إذا أصلحنا أنفسنا .. كل واحد يحاول يجاهد نفسه فلو جاهدنا نفسنا حنوصل للقمة بكل سهولة ... مافي إنسان معصوم من الخطأ بس الميزة إننا نتوب ونعرف أغلاطنا ونحاول نصلحها ... خلينا نرتقي بجيلنا ... خلي الأجيال اللي بعدنا تقول هداك الجيل هوا اللي أعاد مجد الأمة - بإذن الله - ... لا تخلونا نكون إحنا أحد أهم أسباب تدهور وسقوط الأمة ؟!!!
في النهاية نحب نقولكم إنو دا الكلام نابع من قلوبنا .. ونبغى التغيير .. بس لازم نتساعد ..



مع تحيات حملة لنرتقي بجيلنا ( أخلاقنا .. قيمنا .. مبادئنا .. إسلامية )

منقول للفائده