دخيلك لا تبكيني

موضوع: دخيلك لا تبكيني السبت مارس 01, 2008 3:26 am

يضيق الصدر .. لاشفتكــ .. حبيبي تمسح دموعك

ترى مااقوى على حزنكــ .. لك الله لاتبكّيني

حبيبي للفرح دايم .. ابيك اتوّقد اشموعك
وابا زورك .. وابفرح به .. لو انه مايدانيني

وش اللي صار باحوالكــ .. طلبتك قول موضوعك
إلى هالحد تغليني .. وماودك تعنيّني

تعال وشوفها احزانكــ .. بَنَت في روحي افروعك
هدمت افراح من شانكــ .. ومات(ن) بي بساتيني

حرام ارتاح في نومي .. إذا ماارتحت بهجوعك
قسم بالله مااخونكــ .. مدامك حيل تغليني

تراك النور لعيوني .. طلبتك جود بطلوعك
أنا المجنون والتايه .. وليل الهم معميني

ومدامك مكسف وذابل .. وزايد ياسك وروعك
أنا لامن دخلت الويل ضايع .. من يقدّيني ؟!

وليل من الفرح يبكي .. يبيك اتجود برجوعك
وهمّاً ياتلف حالي .. كفر بي .. لاعباً فيني

حبيبي وش تبي قلي .. أنا كلي رهن طوعك
علامك يابعد عمري.. حزين وماتحاكيني

تعال وخذ من اشعاري .. تسّلا عطني اسموعك
وإذا ماجاز لك شعري .. حرام اتخطه ايديني

تبي قلبي ترى جالك .. رحل لك .. داخل اضلوعك
تبي روحي .. تبي فرحي .. تبي مالي .. تبي عيني

حبيبي جيتك ابدمعي .. وودي تمسح ادموعك
أنا غصّتني العبرهــ .. دخيلك لاتبّكيني ..!

ما بعدك كلام
وكفى ما آتيت به
لك سلامي

تسلم ياغالي
كلام رائع وجميل
يعطيك العافية

:شكرا على:

شكرا لكم على المرور الرائع وبارك الله فيكم

» دخيلك لا تبكيني ماهو ذنبي ولا ذنبك ...
» الله من ليلٍ كنت فيـه تبكيني
» دخيلك لا تعاتب
» أبعد دخيلك لا تجي خلّك هناك"