واحد يسولف مع البحر

أنا يابحر ماجيتك فاضي ولمشاهدك شفقان
أناجيتك أبنسى اليـاس وبعـض الهـم يبارينـي

على شانكـ أنا جالس أسامر موجك الغضبان
أسولف له عن أوجاعي وعناي وغربه سنيني


علامك يابحر غاضب علامك تصرخ بكتمان
انا جيتـك ابشكيلـك وابـي منـك تواسينـي

أنا مثلك بحر لكن وسط نفسي انا غرقان
تعبت أبحـر مـع نفسـي واسالهـا أنـا وينـي

أنا محتار في وصفي ومع نفسي أنا حيران
أنا لاقـادر أفهمهـا وهـي تجهـل مضامينـي

أنا مليت من حزني وتعبت أبحث عن السلوان
ولاضنيت به شـي عـن أحزاني يسلينـي


أحس إن الحزن عالم بحورة وصحوة ووديان
تخيل يابحر حجمه اذا حجمـه سكـن فينـي

تصور لو شقا الدنيا تجمع في كيان إنسان
تصدق مابقى بـ الكون أسـى مابـات فـي عينـي

ترى كل الحزن لو غاب وراح لآخر الأوطان
يغيب ويرتحل لحظات ويرجع يستقر فينـي


أنا آخر فصول الحزن وأنا لدروبه العنـوان
وانـا آخـر عزوفاتـه وأصواتـه تغنينـي

انا و الليـل والغربـه تعانقنـا مثـل الاخـوان
ليلـي كـل آهاتـي وللغربـه عناوينـي


تعبت أسقى ثرى أحلامي وأزرع بـ الوهم بستان
تعبت ولانبت زرعي وتعبت وجفت بساتيني


جحدني حظي العاثر رماني بسكه الحرمان
جحدنـي ولامـرة علـى الفرحـه يرسينـي


ألا يابحر جاوبني وش آخر هذي الأحزان
وش آخر رحله أوجاعي وعناي وغربـه سنينـي !!



.....................................

خيرا إن اء الله ثانكيو ع النقل الممتع فعلا جزييييت خيرا