العمر خلص والغلا كذاب

السلام عليكم ورحمة الله وبركاته
اسعد الله اواقتكم بكل خير ..... قصيده جميله اعجبتني
وان شاء الله تحوز على رضاكم

7
7
7
7

ليتك تحس بغيبتك وش حالت اللي يموت فيك
ودّك تعرف بحالته ركـز معـي فـي حالتـه

قد له شهر من وين ما راحت عيونه يحتريك
في راس مرقابه يخايـل مزنتـن مـا خالتـه

ما لا يطيق أشتال من بعدك وهو منّك وإليـك
وصم الجبال الراسيـه تصدّعـت إن شالتـه

تظما عيونه شوفتك والنـور فيهـا يرتويـك
من غيبتك يا نور عينه والنظـر مـا طالتـه

عين السعاده دمّعت تبكيه من حزنـه عليـك
في عمرها ما قد بكت يا حـرّ دمعـن سالتـه

تبكيك ودموع المفارق ماتـت براحـة يديـك
كنها تقول أخذت موتـك أو بعـد مـا قالتـه

الله وأكبـر تنطـق الدمعـه وكنهـا تفتديـك
قتّالته يـا مـن فـدا فـي ذا الزمـن قتّالتـه

العمر خلص والغلا كذاب والغربـه شريـك
ثلاث مطلبهـا قهـر يـا ليتهـا مـا نالتـه

يا غايبه جف القصيد وضاق صدر(ن) يحتويك
والقلب طفل(ن) شاب راسه و المحبه هالتـه

بشر عرفت بغيبتك وش حالت اللي يموت فيك
عساك تفهـم حالتـه وأظـن بانـت حالتـه

صح لسانك

فارس الزعيم كتب:: صح لسانك

صح بدنك
لاهنت على ردك العطر .. ,,

رضوان كتب:

مايعجبك دائما يعجبنا

لانك متميز فى الاختيار والطرح والانتقاء

فمن للشعر غير خالد الشرفي

سلمت يداك
واصل تميزك يالغلا

ابو ياسر كتب:: مايعجبك دائما يعجبنا

لانك متميز فى الاختيار والطرح والانتقاء

فمن للشعر غير خالد الشرفي

سلمت يداك
واصل تميزك يالغلا

اسعدني ردك الطيب
لاهنت اخوي