طريقه اخرى لحل مشكله البصمه (( مهم جدا جدا ))

يااخوان بالنسبه للي عليهم سوابق مدتها اكثر من خمس سنوات ...

وفي جهاز الجوازات لايزال موجود فيها ملاحظه (( مطلوب سوابق يرحل ))

هذه الطريقه هي احدث ما توصلت انا اليه وهي افضل من موضوعي السابق بكثير

فلذلك انتبهوا لهذا الموضوع وركزوا معي نقطه نقطه فيه

عليهم عمل مايلي ...


خطاب من الكفيل .. موجه الى مدير عام الجوازات .. اللواء سالم البليهد ..

يكون بالخطاب بيان القضيه وطلب اعفاء من الترحيل

ويجب ان يبين الكفيل بالخطاب حاجته الملحه لخدمات مكفوله ..

وايضا مايجب توضيحه بالخطاب ان الكفيل يشهد للمكفول بحسن السيره والسلوك

ويجب ايضا ذكره في الخطاب وتوضيحه ان المكفول سابقته اكثر من خمس سنوات

وانه يشمله عفو النظاام الذي يقضي باسقاط السوابق التي مدتها اكثر من خمس سنوات

وايضا يذكر في المعروض او الخطاب .. استعداد الكفيل لتحمل مسؤوليه مكفوله لو بدر منه اي شي

بس هذه النقاط التي ذكرتها اعلاه يجب ان تكون بالمعروض او بالخطااب

اانا اعطيتكم النقاط وانتم باسلوبكم اكتبوا المعروض ..

ويرفق مع الخطاب .. صوره من الاقامه والجواز وصوره من بطاقه الكفيل

ثم بعد تجهيز هذه الاوراق .. تذهبون الى المديريه العامه للجوازات ..

لا تروحون لجوازات المنطقه ..

على سبيل المثال بالرياض لاتذهبون الى جوازات منطقه الرياض اللي على طريق الملك فهد

ولكن تذهبون الى المديريه العامه للجوازات في شارع الفرزدق في حي الملز .. قريبه من معهد الاداره

وفي المديريه اذا وصلت لهم

تذهبون الى للاتصالات الاداريه عند الصادر والوارد

وبعد كذا المعامله يكون لها رقم .. وتتابعه .. لين تشوفها تخلص

بعد كذا المعامله تذهب الى مركز المعلومات الوطني

ثم تذهب الى لجنه خاصه في الجوازات لفحص السوابق ودراسه الخطاب المقدم من الكفيل

وحاولوا تتابعوا المعامله بالمعارف او تكلموا الضباط عندما تذهب الى اي قسم من اقسام الجوازات

بخلال اسبوع او عشر ايام يكون الفرج جاء بعد توفيق رب العالمين ودعواتكم في اخر الليل ..

انتم ويا همتكم في متابعه المعامله ...

للمعلوميه وللتذكير ..

هذه افضل طريقه انا حصلت عليها لازاله المشكله

ارجو الدعواات لنا في ظهر الغيب . ..

ماكتبنا هذا الموضوع الا بانتظار دعواتكم المباركه ..

وهذه الطريقه افضل من الذهاب لقسم العمليات التي ذكرتها في موضوعي السابق


واي شي اقدر اعرفه يقدر يفيدكم انا بجي انقله بالمنتدى

وجزاكم الله خير